2 Samuel 22:7-9

Ang Biblia, 2001

⁷ “Tumawag ako sa Panginoon sa aking kagipitan,
    sa aking Diyos ako'y nanawagan.
Mula sa kanyang templo ay narinig niya ang aking tinig,
    at ang aking daing ay umabot sa kanyang mga pandinig.

⁸ “Nang magkagayo'y ang lupa'y umuga at nayanig,
    ang mga saligan ng mga langit ay nanginig
    at nilindol, sapagkat siya'y nagalit.
⁹ Ang usok ay pumaitaas mula sa kanyang ilong,
    at mula sa kanyang bibig ay ang apoy na lumalamon;
    nag-aalab na mga baga mula sa kanya ay umapoy.