2 Samuel 23:12-14

Ang Biblia, 2001

¹² Ngunit siya'y nanatili sa gitna ng taniman at ipinagtanggol ito, at pinatay ang mga Filisteo; at ang Panginoon ay gumawa ng isang dakilang tagumpay.

¹³ At tatlo sa tatlumpung pinuno ay lumusong at pumunta kay David sa panahon ng pag-aani sa yungib ng Adullam nang ang isang pulutong ng mga Filisteo ay nakahimpil sa libis ng Refaim.

¹⁴ Si David noon ay nasa kuta, at ang pulutong noon ng mga Filisteo ay nasa Bethlehem.