2 Samuel 23:2-4

Magandang Balita Biblia (with Deuterocanon)

² “Nagsasalita sa pamamagitan ko ang Espiritu^[a] ni Yahweh,
    ang salita niya'y nasa aking mga labi.
³ Nagsalita ang Diyos ng Israel,
    ganito ang sinabi niya sa akin:
‘Ang haring namamahalang may katarungan
    at namumunong may pagkatakot sa Diyos,
⁴ ay tulad ng araw sa pagbukang-liwayway,
    parang araw na sumisikat kung umagang walang ulap,
    at nagpapakislap sa dahon ng damo pagkalipas ng ulan.’