2 Samuel 23:5-7

Magandang Balita Biblia (with Deuterocanon)

⁵ “Gayon pagpapalain ng Diyos ang aking sambahayan,
    dahil sa aming tipan na walang katapusan,
    kasunduang mananatili magpakailanman.
Siya ang magbibigay sa akin ng tagumpay,
    ano pa ang dapat kong hangarin?
⁶ Ngunit ang mga walang takot sa Diyos ay matutulad sa mga tinik na itinatapon.
    Walang mangahas dumampot sa kanila;
⁷ at upang sila'y ipunin, kailangan ang kasangkapang bakal.
    Kapag naipon naman, sila'y tutupukin.”