2 Samuel 24:17-19

Ang Salita ng Dios (Tagalog Contemporary Bible)

Gumawa ng Altar si David

¹⁷ Nang makita ni David ang anghel na pumapatay ng mga tao, sinabi niya sa Panginoon, “Ako po ang may kasalanan. Ang mga taong itoʼy gaya ng mga tupa na walang nagawang kasalanan. Ako na lang po at ang sambahayan ko ang parusahan ninyo.”

¹⁸ Nang araw na iyon, nagpunta si Gad kay David at sinabi sa kanya, “Umakyat kayo sa giikan ni Arauna na Jebuseo at gumawa kayo roon ng altar para sa Panginoon.” ¹⁹ Kaya umakyat si David gaya ng iniutos ng Panginoon kay Gad.