2 Samuel 5:22-24

Ang Salita ng Dios (Tagalog Contemporary Bible)

²² Bumalik ang mga Filisteo at muling nagkampo sa Lambak ng Refaim. ²³ Kaya muling nagtanong si David sa Panginoon, at sumagot ang Panginoon, “Huwag nʼyo agad silang salakayin kundi palibutan muna, at saka nʼyo sila salakayin malapit sa puno ng balsamo. ²⁴ Kapag narinig nʼyo na parang may nagmamartsang mga sundalo sa taas na bahagi ng puno ng balsamo, dali-dali kayong sumalakay dahil iyon ang tanda na pinangungunahan ko kayo sa pagsalakay sa mga Filisteo.”