2 Samuel 5:22-24

Magandang Balita Biblia (with Deuterocanon)

²² Ngunit nagbalik ang mga Filisteo at humanay muli sa kapatagan ng Refaim. ²³ Sumangguni na naman kay Yahweh si David at ito ang sagot: “Huwag mo silang lulusubin nang harapan. Lumigid ka sa kanilang likuran sa tapat ng mga puno ng balsam. ²⁴ Pagkarinig mo ng mga yabag sa itaas ng mga kahuyan, lumusob ka agad, sapagkat ako ang nangunguna upang gapiin sila.”