2 Samuel 6:12-14

Ang Biblia (1978)

Ang kaban ay dinala sa Jerusalem.

¹² At nasaysay sa haring kay David, na sinasabi, Pinagpala ng Panginoon ang sangbahayan ni Obed-edom, at ang lahat ng nauukol sa kaniya, dahil sa kaban ng Dios. ^(A)At yumaon si David at iniahon ang kaban ng Dios mula sa bahay ni Obed-edom, hanggang sa bayan ni David, na may kagalakan.

¹³ At nagkagayon na nang yaong mga nagdadala ng kaban ng Panginoon ay makalakad ng anim na hakbang, siya'y naghain ng isang ^(B)baka at isang pinataba.

¹⁴ At nagsayaw si ^(C)David ng kaniyang buong lakas sa harap ng Panginoon; at si David ay nabibigkisan ng ^(D)isang epod na lino.