2 Samuel 9:4-6

Ang Salita ng Dios (Tagalog Contemporary Bible)

⁴ “Nasaan siya?” tanong ng hari. Sumagot si Ziba, “Naroon po sa Lo Debar, sa bahay ni Makir na anak ni Amiel.” ⁵ Kaya ipinasundo siya ni David mula sa bahay ni Makir.

⁶ Ang pangalan ng anak ni Jonatan ay Mefiboset at apo siya ni Saul. Pagdating niya kay David, yumukod siya bilang paggalang dito. Sinabi ni David sa kanya, “Ikaw pala si Mefiboset.” Sumagot siya, “Ako nga po.”