2 Corinto 3:12-17

Magandang Balita Biblia

¹² Dahil sa pag-asa naming iyan, malakas ang aming loob. ¹³ Hindi^(A) kami tulad ni Moises na nagtalukbong ng mukha para hindi makita ng mga Israelita ang paglipas ng kaluwalhatiang iyon. ¹⁴ Ngunit naging matigas ang kanilang ulo kaya't hanggang ngayo'y nananatili ang talukbong na iyon habang binabasa nila ang lumang tipan. Maaalis lamang ang talukbong na iyon sa pakikipag-isa kay Cristo. ¹⁵ Hanggang ngayon, may talukbong pa ang kanilang isip tuwing binabasa nila ang mga aklat ni Moises. ¹⁶ Ngunit^(B) kapag lumapit ang tao sa Panginoon, naaalis ang talukbong. ¹⁷ Ang Panginoong binabanggit dito ay ang Espiritu, at kung nasaan ang Espiritu ng Panginoon ay mayroong kalayaan.