^30 (A)At dinala siyang ^(B)patay ng kaniyang mga lingkod sa isang karo, mula sa Megiddo at dinala siya sa Jerusalem, at inilibing siya sa kaniyang sariling libingan. ^(C)At kinuha ng bayan ng lupain si Joachaz na anak ni Josias, at pinahiran ng langis siya, at ginawa siyang hari na kahalili ng kaniyang ama.

Si Joachaz ay naghari. Inalis ni Faraon-nechao at inilagay si Joacim.

³¹ Si Joachaz^[a] ay may dalawangpu't tatlong taon nang siya'y magpasimulang maghari; at siya'y nagharing tatlong buwan sa Jerusalem: at ang pangalan ng kaniyang ina ay Amutal na anak ni Jeremias na taga Libna.

³² At siya'y gumawa ng masama sa paningin ng Panginoon, ayon sa lahat na ginawa ng kaniyang mga magulang.

³³ At inilagay ni Faraon-nechao siya sa pangawan sa ^(D)Ribla, sa lupain ng ^(E)Hamath, upang siya'y huwag makapaghari sa Jerusalem; at siningilan ang bayan ng ^(F)isang daang talentong pilak, at isang talentong ginto.

³⁴ At ginawa ni Faraon-nechao si Eliacim na anak ni Josias, na hari na kahalili ni Josias, na kaniyang ama, ^(G)at pinalitan ang kaniyang pangalan ng Joacim: ^(H)nguni't kaniyang dinala si Joachaz; at siya'y naparoon sa Egipto, at namatay roon.

Paghahari ni Joachaz.

36 Nang magkagayo'y kinuha ^(A)ng bayan ng lupain si Joachaz na anak ni Josias, at ginawa siyang hari na kahalili ng kaniyang ama sa Jerusalem.

² Si Joachaz ay may dalawang pu't tatlong taon nang siya'y magpasimulang maghari; at siya'y nagharing tatlong buwan sa Jerusalem.

³ At inalis siya sa Jerusalem ng hari sa Egipto, at pinabuwis ang lupain ng isang daang talentong pilak at ng isang talentong ginto.

⁴ At inihalal na hari sa Juda at sa Jerusalem ng hari sa Egipto si Eliacim na kaniyang kapatid, at pinalitan ang kaniyang pangalan ng Joacim. At kinuha ni Nechao si Joachaz na kaniyang kapatid, at dinala niya siya sa Egipto.