2 Mga Hari 22:8-11

Magandang Balita Biblia (with Deuterocanon)

⁸ Pagdating ni Safan sa Templo, sinabi sa kanya ng pinakapunong paring si Hilkias, “Natagpuan ko sa Templo ni Yahweh ang aklat ng Kautusan.” Ibinigay niya ito kay Safan at binasa naman nito. ⁹ Nang matupad na ang iniutos sa kanya, nagbalik siya sa hari at iniulat na nabilang na ang salapi sa Templo at naibigay na sa mga namamahala sa pagpapaayos ng Templo. ¹⁰ Sinabi pa niya, “Ako'y binigyan ni Hilkias ng isang aklat.” At binasa niya ito sa hari.

¹¹ Nang marinig ng hari ang nilalaman ng aklat, pinunit niya ang kanyang kasuotan.