2 शमूएल 23:1-4

Nepali Bible: Easy-to-Read Version

“यिनै यिशैका छोरा दाऊदको सन्देश हो यो।
    यो सन्देश तिनैको हो-जसलाई परमेश्वरले महान् बनाउनुभयो,
जो याकूबको परमेशवरद्वारा छानिएका राजा
    जो इस्राएलको मधुर गीतका गायक।
² परमप्रभुको आत्माले मद्वारा बोल्नु भयो।
    उहाँका वचनहरू मेरो मुखमा थिए।
³ इस्राएलको परमेश्वरले भन्नु भयो।
    इस्राएलको चट्टानले मलाई भन्नुभयो,
‘जसले मानिसलाई न्यायपूर्वक शासन गर्छ,
    जसले परमेश्वरको सम्मान दिएर शासन गर्छ,
⁴ त्यस्ता व्यक्ति हुनेछ सूर्यदय जस्तै;
    बादल नभएको बिहान जस्तै;
पानी परेपछिको घाम जस्तै;
    जुन पानीले धर्तीमा कलिला घाँस उमार्छ।’