2 Tesalonica 2:3-10

Ang Biblia (1978)

³ Huwag kayong padaya kanino man ^(A)sa anomang paraan: sapagka't ito'y hindi darating, ^(B)maliban nang dumating mula ang pagtaliwakas, at ^(C)mahayag ang taong makasalanan, ^(D)ang anak ng kapahamakan,

⁴ Na sumasalangsang at nagmamataas ^(E)laban sa lahat na tinatawag na Dios o sinasamba; ano pa't siya'y nauupo sa templo ng Dios, na siya'y nagtatanyag sa kaniyang sarili na tulad sa Dios.

⁵ Hindi baga ninyo naaalaala nang ako'y kasama ninyo pa, ay sinabi ko sa inyo ang mga bagay na ito?

⁶ At ngayo'y nalalaman ninyo ang nakapipigil, upang siya'y mahayag sa kaniyang talagang kapanahunan.

⁷ Sapagka't ^(F)ang hiwaga ng kasamaan ay gumagawa na: lamang ay may pumipigil ngayon, hanggang sa alisin ito.

⁸ At kung magkagayo'y mahahayag ang tampalasan, ^(G)na papatayin ng Panginoong Jesus ^(H)ng hininga ng kaniyang bibig, at ^(I)sa pamamagitan ng pagkahayag ng kaniyang pagparito ay lilipulin;

⁹ Siya, na ang kaniyang pagparito ay ^(J)ayon sa paggawa ni Satanas na may buong kapangyarihan at ^(K)mga tanda at mga kahangahangang kasinungalingan,

¹⁰ At may buong daya ng kalikuan sa ^(L)nangapapahamak; sapagka't hindi nila tinanggap ang pagibig sa katotohanan, upang sila'y mangaligtas.