3 Juan 5-7

Ang Bagong Tipan: Filipino Standard Version

Mga Katuwang at mga Kalaban

⁵ Minamahal, tapat ang anumang ginagawa mo para sa iyong mga kapatid, maging sa mga dayuhan. ⁶ Nagpatotoo sa iglesya ang mga kapatid tungkol sa iyong pag-ibig. Makabubuti kung matutulungan mo sila sa kanilang paglalakbay, na siya namang kalugud-lugod sa Diyos. ⁷ Sapagkat sila ay nagsimula nang maglakbay alang-alang kay Cristo.^[a] Ginawa nila ito nang hindi tumatanggap ng anumang tulong mula sa mga di-mananampalataya.