3 Yohana 11-13

Agano Jipya: Tafsiri ya Kusoma-Kwa-Urahisi

¹¹ Rafiki yangu mpendwa, usiige lililo baya; bali iga lililo jema. Yeyote anayetenda yaliyo mema hutoka kwa Mungu. Ila yeyote anayetenda maovu bado hajamjua Mungu.

¹² Kila mtu azungumza yaliyo mema juu ya Demetrio, na kweli inakubaliana na yale wasemayo. Pia, twasema mema juu yake. Na unafahamu kuwa tusemayo ni kweli.

¹³ Nina mambo mengi nataka kukueleza. Lakini sipendi kutumia kalamu na wino.