Amos 1:3-2:6

Ang Biblia (1978)

³ Ganito ang sabi ng Panginoon: ^(A)Dahil sa tatlong pagsalangsang ng ^(B)Damasco, oo, dahil sa apat, hindi ko ihihiwalay ang kaparusahan sa kaniya; ^(C)sapagka't kanilang giniik ang Galaad ng panggiik na bakal.

⁴ Nguni't aking susuguin ang isang apoy sa loob ng bahay ni Hazael, at susupukin niyaon ang mga palacio ni ^(D)Ben-hadad.

⁵ At aking iwawasak ang ^(E)halang ng Damasco, at aking ihihiwalay ang mananahan mula sa libis ng Aven, at siyang humahawak ng cetro mula sa bahay ng Eden; at ang bayan ng Siria ay papasok sa pagkabihag hanggang sa Chir, sabi ng Panginoon.

⁶ Ganito ang sabi ng Panginoon: Dahil sa tatlong pagsalangsang ^(F)ng Gaza, oo, dahil sa apat, hindi ko ihihiwalay ang kaparusahan sa kaniya; ^(G)sapagka't kanilang dinalang bihag ang buong bayan, ^(H)upang ibigay sa Edom.

⁷ Nguni't ako'y magsusugo ng isang apoy sa kuta ng Gaza, at susupukin niyaon ang mga palacio niyaon:

⁸ At aking ihihiwalay ang mananahan mula sa Asdod, at siyang humahawak ng cetro mula sa Ascalon; at aking ipipihit ang aking kamay laban sa Ecron, at ^(I)ang nalabi sa mga Filisteo ay malilipol, sabi ng Panginoong Dios.

⁹ Ganito ang sabi ng Panginoon: Dahil sa tatlong pagsalangsang ng ^(J)Tiro, oo, dahil sa apat, hindi ko ihihiwalay ang kaparusahan sa kaniya; ^(K)sapagka't kanilang ibinigay ang buong bayan sa Edom, at hindi inalaala ang ^(L)tipan ng pagkakapatiran.

¹⁰ Nguni't ako'y magsusugo ng isang apoy sa kuta ng Tiro, at susupukin niyaon ang mga palacio niyaon.

¹¹ Ganito ang sabi ng Panginoon: Dahil sa tatlong pagsalangsang ng ^(M)Edom, oo, dahil sa apat, hindi ko ihihiwalay ang kaparusahan sa kaniya; sapagka't hinabol niya ng ^(N)tabak ang kaniyang kapatid, at ipinagkait ang buong habag, at ang kaniyang galit ay laging nanglilipol, at taglay niya ang kaniyang poot magpakailan man.

¹² Nguni't magsusugo ako ng isang apoy sa Teman, at susupukin niyaon ang mga palacio sa Bozra.

¹³ Ganito ang sabi ng Panginoon: Dahil sa tatlong pagsalangsang ng ^(O)mga anak ni Ammon, oo, dahil sa apat, hindi ko ihihiwalay ang kaparusahan sa kanila; sapagka't ^(P)kanilang pinaluwa ang bituka ng mga babaing nagdadalang tao sa Galaad, upang kanilang mapalapad ang kanilang hangganan.

¹⁴ Nguni't aking papagniningasin ang isang apoy sa kuta ng ^(Q)Rabba, at susupukin niyaon ang mga palacio niyaon, na may hiyawan sa kaarawan ng pagbabaka, na may bagyo sa kaarawan ng ipoipo;

¹⁵ At ang kanilang hari ay papasok sa pagkabihag, siya at ang kaniyang mga prinsipe na magkakasama, sabi ng Panginoon.

Hatol sa Moab.

2 Ganito ang sabi ng Panginoon: ^(R)Dahil sa tatlong pagsalangsang ng Moab, oo, dahil sa apat, hindi ko ihihiwalay ang kaparusahan sa kaniya; sapagka't ^(S)kaniyang sinunog ang mga buto ng hari sa Edom na pinapaging apog.

² Nguni't ako'y magsusugo ng isang apoy sa Moab, at susupukin niyaon ang mga palacio ng Cherioth; at ang Moab ay mamamatay na may kaingay, may hiyawan, at may tunog ng pakakak.

³ At aking ihihiwalay ang hukom sa gitna niyaon, at papatayin ko ang lahat na prinsipe niyaon na kasama niya, sabi ng Panginoon.

Ang hatol sa Juda at sa Israel.

⁴ Ganito ang sabi ng Panginoon: Dahil sa tatlong pagsalangsang ng Juda, oo, dahil sa apat, hindi ko ihihiwalay ang kaparusahan sa kaniya; ^(T)sapagka't kanilang itinakuwil ang kautusan ng Panginoon, at hindi iningatan ang kaniyang mga palatuntunan, at iniligaw sila ng kanilang mga pagbubulaan, ^(U)ayon sa inilakad ng kanilang mga magulang.

⁵ Nguni't magsusugo ako ng isang apoy sa Juda; at susupukin niyaon ang mga palacio ng Jerusalem.

⁶ Ganito ang sabi ng Panginoon, Dahil sa tatlong pagsalangsang ng Israel, oo, dahil sa apat, hindi ko ihihiwalay ang kaparusahan sa kaniya; sapagka't ^(V)kanilang ipinagbili ang matuwid dahil sa pilak, at ^(W)ang mapagkailangan sa dalawang paang panyapak—