Amos 1:6-8

Magandang Balita Biblia (with Deuterocanon)

⁶ Ganito^(A) ang sabi ni Yahweh:
“Paulit-ulit na nagkasala ang mga taga-Gaza,
    kaya sila'y paparusahan ko.
Binihag nila ang isang bansa
    at ipinagbili sa mga taga-Edom.
⁷ Susunugin ko ang mga pader ng Gaza;
    tutupukin ko ang mga tanggulan doon.
⁸ Aalisin ko ang mga pinuno ng Asdod,
    at ang may hawak ng setro sa Ashkelon.
Hahanapin ko ang Ekron,
    at lilipulin ko ang mga Filisteo roon.”