Amos 2:1-3

Magandang Balita Biblia

2 Ganito^(A) ang sabi ni Yahweh:
“Paulit-ulit na nagkasala ang mga taga-Moab,
    kaya sila'y paparusahan ko.
Sinunog nila at pinulbos ang mga buto ng hari ng Edom.
² Susunugin ko ang lupain ng Moab;
    tutupukin ko ang mga tanggulan sa Keriot.
Masasawi ang mga taga-Moab sa gitna ng ingay ng labanan,
    sa sigawan ng mga kawal at tunog ng mga trumpeta.
³ Papatayin ko ang hari ng Moab,
    gayundin ang mga pinuno sa lupaing iyon.”