Amos 2:2-4

Magandang Balita Biblia (with Deuterocanon)

² Susunugin ko ang lupain ng Moab;
    tutupukin ko ang mga tanggulan sa Keriot.
Masasawi ang mga taga-Moab sa gitna ng ingay ng labanan,
    sa sigawan ng mga kawal at tunog ng mga trumpeta.
³ Papatayin ko ang hari ng Moab,
    gayundin ang mga pinuno sa lupaing iyon.”

⁴ Ganito ang sabi ni Yahweh:
“Paulit-ulit na nagkasala ang mga taga-Juda,
    kaya sila'y paparusahan ko.
Hinamak nila ang aking mga katuruan;
    nilabag nila ang aking mga kautusan.
Iniligaw sila ng mga diyus-diyosang
    pinaglingkuran ng kanilang mga ninuno.