Amos 3:13-15

Magandang Balita Biblia (with Deuterocanon)

¹³ “Pakinggan ninyong mabuti ito at babalaan ang mga anak ni Jacob,”
    sabi ng Panginoong Yahweh, ang Diyos na Makapangyarihan sa lahat.
¹⁴ “Sa^(A) araw na parusahan ko ang mga taga-Israel dahil sa kanilang mga kasalanan,
    wawasakin ko ang mga altar sa Bethel,
    at malalaglag sa lupa ang mga iyon.
¹⁵ Wawasakin ko ang mga bahay na pantaglamig at pantag-araw.
    Guguho ang mga bahay na yari sa garing;
ang malalaking bahay ay wawasaking lahat.”