Amos 6:11-13

Magandang Balita Biblia

¹¹ Kapag siya ang nag-utos,
    magkakadurug-durog ang mga bahay,
    malaki man o maliit.
¹² Tumatakbo ba sa batuhan ang mga kabayo?
    Naipang-aararo ba sa dagat ang mga baka?
Hindi nga, ngunit ginawa ninyong lason ang katarungan
    at pinalitaw na mali ang tama.
¹³ Tuwang-tuwa kayo nang masakop ninyo ang bayan ng Lo-debar.^[a]
    Sabi ninyo, “Tayo'y malakas at nakaya nating sakupin ang Karnaim.”^[b]