Amos 6:3-5

Magandang Balita Biblia (with Deuterocanon)

³Gusto ninyong ipagpaliban ang araw ng inyong kapahamakan,
ngunit sa ginagawa ninyo'y lalong nalalapit ang araw ng karahasan.

⁴Kahabag-habag kayo na nahihiga sa magagarang kama na yari sa garing,
at nagpapahinga sa malalapad na himlayan,
habang nagpapakabusog sa mga piling tupa at pinatabang guya.
⁵Lumilikha pa kayo ng mga walang kabuluhang awitin sa saliw ng alpa;
tulad ni David, gumagawa kayo ng mga instrumento para sa inyong musika.