Amos 8:12-14

Magandang Balita Biblia (with Deuterocanon)

¹² Mula sa hilaga papuntang timog,
    mula sa silangan hanggang sa kanluran,
hahanapin nila ang salita ni Yahweh,
    subalit iyon ay hindi nila matatagpuan.
¹³ Dahil sa matinding pagkauhaw na ito,
    mawawalan ng malay-tao ang magagandang dalaga at ang malalakas na binata.
¹⁴ Ang mga sumusumpa sa pangalan ng mga diyus-diyosan sa Samaria,
    ang mga nagsasabing, ‘Sa ngalan ng diyos ng Dan,’
at ‘Sa ngalan ng diyos ng Beer-seba,’
    sila'y mabubuwal at hindi na makakabangon pa.”