Amos 9:14-15

Ang Salita ng Dios (Tagalog Contemporary Bible)

¹⁴ Pababalikin ko ang mga mamamayan kong Israelita sa kanilang lupain mula sa pagkakabihag.^[a] Muli nilang itatayo ang kanilang mga nasirang bayan at doon na sila maninirahan. Magtatanim sila ng ubas at iinom ng katas nito. Magtatanim sila sa kanilang mga halamanan, at kakainin nila ang mga bunga nito. ¹⁵ Patitirahin ko silang muli sa lupaing ibinigay ko sa kanila at hindi na muling paaalisin.” Ito nga ang sinabi ng Panginoon na inyong Dios.