Apocalipsis 11:11-13

Ang Biblia (1978)

¹¹ At pagkatapos ng tatlong araw at kalahati, ^(A)ang hininga ng buhay na mula sa Dios ay pumasok sa kanila, at sila'y nangagsitindig; at dinatnan ng malaking takot ang mga nakakita sa kanila.

¹² At narinig nila ang isang malakas na tinig na nagsasabi sa kanila, Umakyat kayo rito. At sila'y umakyat sa langit ^(B)sa isang alapaap; at pinagmasdan sila ng kanilang mga kaaway.

¹³ At nang oras na yaon ay nagkaroon ng isang malakas na lindol, ^(C)at nagiba ang ikasangpung bahagi ng bayan; at may nangamatay sa lindol na pitong libo katao: at ang mga iba ay nangatatakot, ^(D)at nangagbigay ng kaluwalhatian ^(E)sa Dios ng langit.