Apocalipsis 2:17-19

Ang Biblia (1978)

¹⁷ Ang may pakinig, ay makinig sa sinasabi ng Espiritu sa mga iglesia. Ang magtagumpay ay bibigyan ko ^(A)ng manang natatago, at siya'y bibigyan ko ng isang batong puti, at sa bato ay may nakasulat na ^(B)isang bagong pangalan, na walang nakakaalam kundi yaong tumatanggap.

¹⁸ At ^(C)sa anghel ng iglesia sa ^(D)Tiatira ay isulat mo:

Ang mga bagay na ito ay sinasabi ng Anak ng Dios, ^(E)na may mga matang gaya ng ningas ng apoy, at ang kaniyang mga paa ay gaya ng tansong binuli:

¹⁹ Nalalaman ko ang iyong mga gawa, at ang iyong pagibig, at pananampalataya at ministerio at pagtitiis, at ang iyong mga huling gawa ay higit kay sa mga una.