Apocalipsis 21:19-21

Ang Biblia (1978)

¹⁹ Ang mga pinagsasaligan ng kuta ^(A)ng bayan ay may pamuting sarisaring mahahalagang bato. Ang unang pinagsasaligan ay jaspe; ang ikalawa ay zafiro; ang ikatlo ay calcedonia; ang ikaapat ay esmeralda;

²⁰ Ang ikalima ay sardonica; ang ikaanim ay sardio; ang ikapito ay crisolito; ang ikawalo ay berilo; ang ikasiyam ay topacio; ang ikasangpu ay crisopasio; ang ikalabingisa ay jacinto; ang ikalabingdalawa ay amatista.

²¹ At ang labingdalawang pintuan ay labingdalawang perlas; at bawa't pinto ay isang perlas; ^(B)at ang lansangan ng bayan ay dalisay na ginto, na gaya ng nanganganinag na bubog.