Apocalipsis 6:10-12

Ang Biblia (1978)

¹⁰ At sila'y sumigaw ng tinig na malakas, na nagsasabi, Hanggang kailan, Oh Panginoong banal at totoo, ^(A)hindi mo hahatulan at ipaghihiganti ang aming dugo, sa mga nananahan sa ibabaw ng lupa?

¹¹ At binigyan ^(B)ang bawa't isa sa kanila ng isang maputing balabal; at sa kanila'y sinabi, ^(C)na mangagpahinga pa ng kaunting panahon, hanggang sa maganap ang bilang ng kanilang mga kapuwa alipin at ng kanilang mga kapatid, na mga papatayin namang gaya nila.

¹² At nakita ko nang buksan niya ang ikaanim na tatak, ^(D)at nagkaroon ng malakas na lindol; at ^(E)ang araw ay umitim na gaya ng isang magaspang na kayong buhok na maitim, at ang buong buwan ay naging gaya ng dugo;