Awit ng mga Awit 2:2-4

Ang Biblia, 2001

² Kung ano ang liryo sa gitna ng mga tinikan,
    gayon ang aking pag-ibig sa gitna ng mga kadalagahan.

³ Kung ano ang puno ng mansanas sa gitna ng mga punungkahoy sa kagubatan,
    gayon ang aking sinta sa gitna ng mga kabinataan.
Ako'y naupo sa ilalim ng kanyang anino na may malaking pagsasaya,
    at ang kanyang bunga ay matamis sa aking panlasa.
⁴ Dinala niya ako sa bahay na may handaan,
    at ang watawat niya sa akin ay pagmamahal.