Awit ng mga Awit 2:3-5

Ang Biblia (1978)

³ Kung paano ang puno ng mansanas sa gitna ng mga punong kahoy sa gubat,
Gayon ang aking sinta sa gitna ng mga anak na lalake.
Ako'y nauupo sa ilalim ng kaniyang lilim na may malaking kaluguran.
^(A)At ang kaniyang bunga ay naging matamis sa aking lasa.
⁴ Dinala niya sa bahay na may pigingan,
At ang kaniyang watawat sa akin ay pagsinta.
⁵ Kandilihin ninyo ako ng mga pasas, aliwin ninyo ako ng mga mansanas:
Sapagka't ako'y may sakit na pagsinta.