Awit ng mga Awit 3:5-7

Ang Biblia, 2001

⁵ O mga anak na babae ng Jerusalem, kayo'y aking pinagbibilinan,
    alang-alang sa mga usang lalaki at babae sa kaparangan,
na huwag ninyong pukawin o gisingin man ang pagmamahal,
    hanggang sa kanyang maibigan.

⁶ Ano itong umaahon mula sa ilang,
    na gaya ng haliging usok,
na napapabanguhan ng mira at ng kamanyang,
    ng lahat ng mabangong pulbos ng mangangalakal?
⁷ Tingnan ninyo, iyon ang higaan ni Solomon!
Animnapung magigiting na lalaki ang nasa palibot niyon,
    sa magigiting na lalaki ng Israel.