Awit ng mga Awit 3:8-10

Ang Biblia, 2001

⁸ Silang lahat ay may sakbat na tabak,
    at sanay sa pakikidigma:
bawat isa'y may tabak sa kanyang hita,
    sa mga hudyat sa gabi ay laging handa.
⁹ Si Haring Solomon ay gumawa para sa sarili ng higaang binubuhat
    mula sa kahoy ng Lebanon.
¹⁰ Ginawa niyang pilak ang mga haligi niyon,
    ang likod niyon ay ginto, at ang upuan ay kulay ube;
ang loob niyon ay hinabi ng may pag-ibig
    ng mga anak na babae ng Jerusalem.