Awit ng mga Awit 4:2-4

Ang Biblia (1978)

² Ang iyong mga ngipin ay ^(A)gaya ng mga kawan ng mga tupa na bagong gupit,
Na nagsiahong mula sa pagpaligo,
Na bawa't isa'y may anak na kambal,
At walang baog sa kanila.
³ Ang iyong mga labi ay gaya ng pising mapula,
At ang iyong bibig ay kahalihalina:
^(B)Ang iyong mga pisngi ay gaya ng putol ng ^(C)granada.
Sa likod ng iyong lambong.
⁴ Ang iyong leeg ay ^(D)gaya ng moog ni David
Na itinayo na pinaka sakbatan,
Na kinabibitinan ng ^(E)libong kalasag,
Ng lahat na kalasag ng mga makapangyarihang lalake.