Awit ng mga Awit 5:12-14

Ang Biblia, 2001

¹² Ang kanyang mga mata ay tulad ng mga kalapati
    sa tabi ng mga bukal ng tubig;
na hinugasan ng gatas
    at tamang-tama ang pagkalagay.
¹³ Ang kanyang mga pisngi ay gaya ng pitak ng mga pabango,
    na nagsasabog ng halimuyak.
Ang kanyang mga labi ay mga liryo,
    na nagbibigay ng lusaw na mira.
¹⁴ Ang kanyang mga kamay ay mga singsing na ginto,
    na nilagyan ng mga hiyas.
Ang kanyang katawan ay gaya ng yaring garing
    na binalot ng mga zafiro.