Awit ng mga Awit 7:10-12

Ang Salita ng Dios (Tagalog Contemporary Bible)

Babae

¹⁰ Ako ay sa kanya lang, at ako lamang ang kanyang inaasam. ¹¹ Halika mahal ko, pumunta tayo sa bukid at doon magpalipas ng gabi, sa tabi ng mga bulaklak ng henna.^{[a] 12} Maaga tayong gumising at ating tingnan kung namulaklak at namunga na ang ubasan. Tingnan din natin kung namumukadkad na ang mga pomegranata. At doon, ipadarama ko sa iyo ang aking pagmamahal.