Awit ni Solomon 3:1-3

Magandang Balita Biblia

3 Gabi-gabi, sa higaan ang mahal ko'y hinahanap,
    ngunit hindi masumpungan kahit na sa pangarap.
² Akong ito'y bumabangon, sa lunsod ay naglalakad,
    ang lansangan sa paligid ay aking ginagalugad;
    ngunit hindi matagpuan ang sinta kong nililiyag.
³ Sa akin ngang paglalakad, nakita ko'y mga bantay,
    nagmamanman, naglilibot, sa paligid, sa lansangan.
Sa kanila ang tanong ko, “Mahal ko ba ay nasaan?”