Awit ni Solomon 3:8-10

Magandang Balita Biblia (with Deuterocanon)

⁸ Bawat isa ay may tabak at bihasa sa digmaan,
    nagbabantay kahit gabi, nakahanda sa paglaban.
⁹ Ang magandang trono nitong haring si Solomon,
    pawang yari sa piling kahoy ng Lebanon.
¹⁰ Ang lahat ng tukod nito'y nababalutan ng pilak,
    ang habong naman nito'y may palamuting gintong payak,
iyon namang mga kutson, kulay ube ang nakabalot;
    mga dalaga sa Jerusalem ang humabi at naggayak.