Awit ni Solomon 3:9-11

Magandang Balita Biblia (with Deuterocanon)

⁹ Ang magandang trono nitong haring si Solomon,
    pawang yari sa piling kahoy ng Lebanon.
¹⁰ Ang lahat ng tukod nito'y nababalutan ng pilak,
    ang habong naman nito'y may palamuting gintong payak,
iyon namang mga kutson, kulay ube ang nakabalot;
    mga dalaga sa Jerusalem ang humabi at naggayak.
¹¹ Mga dilag nitong Zion, masdan ninyo si Haring Solomon,
    nagputong ng korona niya ay ang kanyang inang mahal
    sa oras ng pagdiriwang, sa oras ng kanyang kasal.