Awit ni Solomon 6:1-3

Magandang Balita Biblia (with Deuterocanon)

6 O babaing napakaganda,
    giliw mo'y saan ba nagpunta?
Ika'y aming tutulungan sa paghanap mo sa kanya.

² Ang mahal kong kasintahan ay nagpunta do'n sa hardin,
    sa hardin na ang halama'y mababangong mga tanim
upang kawan ay bantayan at ang liryo ay pitasin.
³ Ang irog ko'y akin lamang, at sa kanya naman ako;
    sa kanya na nagpapastol ng kawan sa mga liryo.