Awit ni Solomon 6:10-12

Magandang Balita Biblia

¹⁰ “Sino itong sa tingin ko ay tila bukang-liwayway,
    kasingganda ng buwan, kasing ningning nitong araw?”
¹¹ Ang hardin ng almendra ay akin nang pinuntahan
    upang tingnan sa libis, bagong sibol na halaman.
Pati ang mga ubas, baka nais nang magbunga,
    at saka ang mga puno nitong kahoy na granada.
¹² Kay laki ng pananabik na ikaw ay makatalik;
    katulad ko'y mandirigma, labanan ang siyang nais.