Awit ni Solomon 8:6-8

Magandang Balita Biblia (with Deuterocanon)

⁶ Kaya ako'y mahalin mo, sa bisig mo ay ikulong.
O kay lakas ng pag-ibig, panibugho man ay gayon;
    sinlakas ng kamatayan, tumutupok, parang apoy.
⁷ Kahit baha ay di kayang pigilin itong paggiliw,
    buhusan man nitong tubig, di makuhang palamigin.
Subukin mong ang pag-ibig ay sa yaman mo daanin,
    baka nga ang mangyari ay ikaw pa ang siyang kutyain.

⁸ Kami ay mayro'ng kapatid, dibdib niya ay maliit,
    ano kayang dapat gawin kung sa kanya'y may umibig?