Bilang 23:11-13

Ang Salita ng Dios (Tagalog Contemporary Bible)

¹¹ Sinabi ni Balak kay Balaam, “Ano itong ginawa mo sa akin? Dinala kita rito para sumpain ang aking mga kaaway pero ang ginawa mo, binasbasan mo pa sila!” ¹² Sumagot si Balaam, “Kailangang sabihin ko ang sinabi ng Panginoon sa akin.”

Ang Ikalawang Mensahe ni Balaam

¹³ Pagkatapos, sinabi ni Balak sa kanya, “Sumama ka sa akin sa isa pang lugar na kung saan makikita mo ang iba pang mga mamamayan ng Israel, pero hindi ang lahat. At doon, sumpain mo sila.”