Bilang 4:5-7

Ang Salita ng Dios (Tagalog Contemporary Bible)

⁵ Kung aalis na kayo sa inyong pinagkakampuhan, si Aaron at ang mga anak niya ay papasok sa Tolda at kukunin ang kurtina sa loob at itataklob ito sa Kahon ng Kasunduan. ⁶ At tatakluban pa nila ito ng magandang klase ng balat^[a] at ng telang asul, at pagkatapos ay isusuot nila sa mga argolya ang mga pambuhat nito.

⁷ “Sasapinan din nila ng asul na tela ang mesa na nilalagyan ng tinapay na iniaalay sa presensya ng Dios; at ilalagay nila sa mesa ang mga pinggan, mga tasa, mga mangkok, mga banga na lalagyan ng mga handog na inumin, at hindi aalisin ang mga tinapay na laging nasa mesa.