⁸ Aking pinagdilidili ang mga sungay, at, narito, sumibol sa gitna ng mga yaon ang ^(A)ibang sungay, isang munti, na sa harap niyao'y tatlo sa mga unang sungay ay nabunot sa mga ugat: at, narito, sa sungay na ito ay may mga mata na parang mga mata ^(B)ng tao, ^(C)at isang bibig na nagsasalita ng mga dakilang bagay.

⁹ Aking minasdan ^(D)hanggang sa ang mga luklukan ay nangaglagay, at ^(E)isa na matanda sa mga araw ay nakaupo: ^(F)ang kaniyang suot, maputing parang niebe, at ang buhok ng kaniyang ulo ay parang taganas na lana; ang kaniyang luklukan ay mga liab na apoy, at ang mga gulong ^(G)niyaon ay nagniningas na apoy.

¹⁰ Isang mabangis na sigalbo ay lumabas at nagmula sa harap niya: ^(H)mga libo libo ang naglilingkod sa kaniya, at makasangpung libo na sangpung libo ang nagsitayo sa harap niya: ^(I)ang kahatulan ay nalagda, at ^(J)ang mga aklat ay nangabuksan.

¹¹ Ako'y tumingin nang oras na yaon dahil sa tinig ng mga dakilang salita na sinalita ng sungay; ako'y tumingin ^(K)hanggang sa ang hayop ay napatay, at ang kaniyang katawan ay nagiba, at siya'y nabigay upang sunugin sa apoy.

¹² At tungkol sa nalabi sa mga hayop, ang kanilang kapangyarihan ay naalis: gayon ma'y ang kanilang mga buhay ay humaba sa isang kapanahunan at isang panahon.

¹³ Ako'y nakakita sa pangitain sa gabi, at, narito, lumabas na kasama ng mga alapaap sa langit ang isang ^(L)gaya ng anak ng tao, at siya'y naparoon sa ^(M)matanda sa mga araw, at inilapit nila siya sa harap niya.

^14 (N)At binigyan siya ng kapangyarihan, at kaluwalhatian, at isang kaharian, upang ^(O)lahat ng mga bayan, bansa, at mga wika ay mangaglingkod sa kaniya: ^(P)ang kaniyang kapangyarihan ay walang hanggang kapangyarihan, na hindi lilipas, at ang kaniyang kaharian ay hindi magigiba.

Ang panaginip ay ipinaliwanag.

¹⁵ Tungkol sa aking si Daniel, ang aking kalooban ay namanglaw sa loob ng aking katawan, at binagabag ako ng mga pangitain ng aking ulo.

¹⁶ Ako'y lumapit sa ^(Q)isa sa kanila na nakatayo, at itinanong ko sa kaniya ang katotohanan tungkol sa lahat na ito. Sa gayo'y kaniyang isinaysay sa akin, at ipinaaninaw niya sa akin ang kahulugan ng mga bagay.

¹⁷ Ang mga dakilang hayop na ito na apat, ay apat na hari, na magbabangon sa lupa.

¹⁸ Nguni't ang mga banal ng Kataastaasan ay magsisitanggap ng kaharian, at aariin^[a] ang kaharian magpakailan man, sa makatuwid baga'y magpakakailan-kailan man.

¹⁹ Nang magkagayo'y ninasa kong maalaman ang katotohanan tungkol sa ikaapat na hayop, na kaiba sa lahat ng yaon, na totoong kakilakilabot, na ang mga ngipin ay bakal, at ang mga kuko ay tanso; na nananakmal, lumalamuray, at niyuyurakan ng kaniyang mga paa ang nalabi;

²⁰ At tungkol sa sangpung sungay na nangasa kaniyang ulo, at ^(R)sa isa na sumibol, at sa harap niyao'y nabuwal ang tatlo, sa makatuwid baga'y yaong sungay na may mga mata, at bibig na nagsalita ng dakilang mga bagay, na ang anyo ay lalong dakila kay sa kaniyang mga kasama.

²¹ Ako'y tumingin, at ang sungay ding ^(S)yaon ay nakipagdigma sa mga banal, at nanaig laban sa kanila;

²² Hanggang sa ^(T)ang matanda sa mga araw ay dumating, at ang kahatulan ay ibinigay sa mga banal, ng Kataastaasan; at ang panaho'y dumating na inari ng mga banal ang kaharian.

²³ Ganito ang sabi niya, Ang ikaapat na hayop ay magiging ikaapat na kaharian sa ibabaw ng lupa, na magiging kaiba sa lahat ng kaharian, at sasakmalin ang buong lupa, at yuyurakan, at pagluluraylurayin.

²⁴ At tungkol sa sangpung sungay, mula sa kahariang ito ay sangpung hari ang babangon: at ang isa'y babangong kasunod nila; at siya'y magiging kaiba kay sa mga una, at kaniyang ibabagsak ay tatlong hari.

²⁵ At siya'y magbabadya ng mga salita laban ^(U)sa Kataastaasan, at lilipulin niya ang mga banal ng Kataastaasan; at ^(V)kaniyang iisiping baguhin ang panahon at ang kautusan; at sila'y mangabibigay sa kaniyang kamay ^(W)hanggang sa isang panahon, at mga panahon at kalahati ng isang panahon.