Daniel 10:19-21

Ang Biblia (1978)

¹⁹ At kaniyang sinabi, ^(A)Oh taong minamahal na mainam, huwag kang matakot: kapayapaan ang sumaiyo, ^(B)magpakalakas ka, oo, magpakalakas ka. At nang siya'y magsalita sa akin, ako'y lumakas, at nagsabi, Magsalita ang aking panginoon; sapagka't iyong pinalakas ako.

²⁰ Nang magkagayo'y sinabi niya, Talastas mo baga kung bakit ako'y naparito sa iyo? at ngayo'y babalik ako upang makipaglaban sa ^(C)prinsipe sa Persia: at pagka ako'y lumabas, narito, ang prinsipe sa ^(D)Grecia ay darating.

²¹ Nguni't aking sasaysayin sa iyo ang nakasulat sa kasulatan ng ^(E)katotohanan: at walang sinomang tutulong sa akin laban sa mga ito, kundi si ^(F)Miguel na inyong prinsipe.