Daniel 2:21-23

Ang Biblia, 2001

²¹ Siya ang nagbabago ng mga panahon at mga kapanahunan;
    siya'y nag-aalis ng mga hari, at naglalagay ng mga hari;
siya'y nagbibigay ng karunungan sa marunong
    at ng kaalaman sa may pang-unawa;
²² siya ang naghahayag ng malalalim at mahihiwagang bagay;
    kanyang nalalaman kung ano ang nasa kadiliman,
    at ang liwanag ay naninirahan sa kanya.
²³ Sa iyo, O Diyos ng aking mga ninuno,
    ako'y nagpapasalamat at nagpupuri,
sapagkat binigyan mo ako ng karunungan at kapangyarihan,
    at ipinaalam mo sa akin ang aming hinihiling sa iyo;
    sapagkat iyong ipinaalam sa amin ang nangyari sa hari.”