Daniel 4:16-18

Ang Biblia (1978)

¹⁶ Bayaang ang kaniyang puso na pusong tao ay mapalitan at ang puso ng hayop ay mabigay sa kaniya; at ^(A)mangyaring makapito sa kaniya.

¹⁷ Ang hatol ay sa pamamagitan ng pasiya ng ^(B)mga bantay, at ang utos ay sa pamamagitan ng salita ng mga banal; ^(C)upang makilala ng mga may buhay ^(D)na ang Kataastaasan ay nagpupuno sa kaharian ng mga tao, at ibinibigay niya ito sa kanino mang kaniyang ibigin, at itinataas niya sa kaniya ang pinakamababa sa mga tao.

¹⁸ Akong si Nabucodonosor na hari ay nakakita ng panaginip na ito: at ikaw, Oh Beltsasar, ipahayag ang kahulugan, ^(E)sapagka't lahat na pantas sa aking kaharian ay hindi makapagpaaninaw sa akin ng kahulugan; nguni't maipaaaninaw mo; sapagka't ang espiritu ng mga banal na dios ay sumasa iyo.