Daniel 7:5-7

Ang Biblia (1978)

⁵ At, narito, ang ibang ^(A)hayop, na ikalawa, na gaya ng isang oso; at lumitaw sa isang tagiliran, at tatlong tadyang ang nasa kaniyang bibig sa pagitan ng kaniyang mga ngipin: at sinabi ng mga ito ang ganito sa kaniya, Bumangon ka, manakmal ka ng maraming laman.

⁶ Pagkatapos nito'y tumingin ako, at narito ang iba, gaya ng isang leopardo, na mayroon sa likod niyaon na apat na pakpak ng ibon; ang hayop ay mayroon din namang ^(B)apat na ulo; at binigyan siya ng kapangyarihan.

⁷ Pagkatapos nito'y may nakita ako sa pangitain sa gabi, at, narito, ^(C)ang ikaapat na hayop, kakilakilabot at makapangyarihan, at totoong malakas; at may ^(D)malaking mga ngiping bakal; nananakmal at lumuluray, at niyuyurakan ng kaniyang mga paa ang nalabi: at kaiba sa lahat na hayop na una sa kaniya; ^(E)at siya'y may sangpung sungay.