Daniel 9:26-27

Magandang Balita Biblia

²⁶ Pagkalipas ng animnapu't dalawang linggo,^[a] papatayin ang hinirang ng Diyos. Ang lunsod at ang templo ay wawasakin ng hukbo ng isang makapangyarihang hari. Ang wakas ay darating na parang baha at magkakaroon ng digmaan at pagkawasak na itinakda ng Diyos. ²⁷ Ang^(A) haring ito'y gagawa ng isang matibay na kasunduan sa maraming tao sa loob ng isang linggo.^[b] Pagkaraan ng kalahating linggo,^[c] papatigilin niya ang paghahandog. Ilalagay niya sa itaas ng Templo ang kasuklam-suklam na kalapastanganan. Mananatili ito roon hanggang sa wakasan ng Diyos ang naglagay nito.”